Kafé medarbeidar Skoskogen

Arbeidsskildring

Mikkelparken sin visjon er å skape gode barndomsminner. I denne stillinga er ein ansvarleg for tilbereding, servering og sal av mat og drikke, samt reinhald av eigen avdeling. Ein skal møte gjestene våre og deira behov med eit smil. Arbeidsplassen skal vere rein og ryddig til ein kvar tid, og hygienereglar må følgjast i samband med matlaging og generell vask av området. Tryggleik, trivsel og samarbeid skal vere ei ramme rundt arbeidet.

For å jobbe i Skoskogen i Mikkelparken må ein vere fylt 14 år, og komfortabel med å kommunisera med nye menneske kvar dag. Det er viktig å ha ei positiv innstilling og god innssatsvilje. Skoskogen-medarbeidarar rapporterer til sesongleiaren i Skoskogen, og elles til dei andre sesongleiarane i parken.

Hugs at me alltid tar oss tid til gjestene våre, uansett kor travle me er. Gjestene er vår prioritet nr. 1. Det er viktig å smile og ha eit godt humør, slik at me kan yte best mogleg service.

Oppgåver og ansvarsområde

• Arbeide saman for å gje gjestene ei god oppleving
• Kommunisere godt med gjester og medarbeidarar
• Tilberede mat, servere mat og hjelpe gjestene med å finne det dei treng
• Sørgje for at alle stasjonar er reine og ryddige (inkludert bord og der gjestene oppheld seg)
• Sørgje for at det ikkje går tomt for produkt som t.d. koppar, bestikk osv.
• Sørgje for at dei sjølvbetjente grillane utanfor Skoskogen er reine og brukarvennlege til ein kvar tid.
• Reinhald av kjøkkenet, uteområdet i kaféen, samt frys og kjøl
• Vege matavfall og ha fokus på å redusere matsvinn
• Opne og stengje Skoskogen Kafé
• Sørgje for at hygienekontroll er bra med hjelp av sjekklister
• Informere gjestene om allergener

Som Skoskogen Kafémedarbeidar bør du vere:

• Glad i å samhandle med andre menneske (gjester og medarbeidarar)
• Effektiv
• Samarbeidsvillig
• Ha interesse for mat
• Denne stillinga passar godt for deg som trivst i eit sosialt arbeidsmiljø, er ansvarleg og likar å skape gode opplevingar for barn og familiar.

Arbeidstidene for kafémedarbeidar Skoskogen er mellom 6.5-8 timar. Du kan forvente å ha mellom 3-5 vakter i veka. Alle som takkar ja til sommarjobb i Mikkelparken må delta på obligatorisk opplæring i forkant av sesongopning.